വഴി പിരിയുന്നൊരീ ഇടവഴിയിലൊരു നേരം
ഒരുമിച്ചിരിക്കുവാന്‍ മോഹം ..
ഇടനെഞ്ചിലുയരുന്ന സംഗീതമെന്നുള്ളം-
കൈയിലറിയുവാന്‍ മോഹം ..
ഉലയുന്ന തീ നാളമായി ഞാന്‍ മാറുമ്പോള്‍
അടയുന്ന വാതില്‍ക്കല്‍ ആരോ
ഒരു വാക്കും പറയാതെ അറിയാതെ നില്‍ക്കുമ്പോള്‍
എരിയുന്നു ഞാന്‍ പിന്നെയും..
ഇടറുന്ന കാല്‍വെയ്പുമായെന്റെ മുമ്പില്‍
നിഴലൊന്നു മറയുന്നു നിത്യം ,
അതിനെ തേടി ഞാന്‍ പോകുന്ന നിമിഷം ,
പകല്‍ ചായുന്നു രാവിന്റെ മാറില്‍ ..