ഓര്‍മ്മയിലാദ്യത്തെ ഓണം ഞാനുണ്ടപ്പോള്‍ ,
അച്ഛനുമമ്മയും കൂട്ടിരുന്നു ..
പിന്നീടാവഴിയേ വീണ്ടും നടന്നപ്പോള്‍ ,
ആരോ എന്നെ വിട്ടകന്നു ..
ഓര്‍മ്മയിലാദ്യത്തെ ഓണം ഞാനുണ്ടപ്പോള്‍ ,
അച്ഛനുമമ്മയും കൂട്ടിരുന്നു ..
എന്നോ ഒരുവട്ടം കള്ളം പറഞ്ഞപ്പോള്‍,
അരുതെന്നു പറഞ്ഞു വിലക്കിയതച്ഛന്‍
എപ്പോഴോ വാശി പിടിച്ചു നടന്നപ്പോള്‍ ,
''മുട്ടായി വേണോ?'' ചോദിച്ചു അച്ഛന്‍
പിന്നീടാവഴിയേ വീണ്ടും നടന്നപ്പോള്‍ ,
ആരോ എന്നെ വിട്ടകന്നു ..
പിറന്നാള് ദിവസം വഴിവാടു നേരാന്‍
അമ്പലത്തില്‍ പോയതച്ഛന്റെ കൂടെ
വഴിയെ കാത്തു നില്ക്കുന്നോരെനിക്കു ,
ചിരിയും മുല്ലപ്പൂവും തന്നതുമച്ഛന്‍ ..
പിന്നീടാവഴിയേ വീണ്ടും നടന്നപ്പോള്‍ ,
ആരോ എന്നെ വിട്ടകന്നു ..
ഇന്നോര്‍മ്മയിലറിയുന്ന വാത്സല്യദാഹത്തില്‍ ,
ഞാനിതാ ഇപ്പോഴും കണ്‍ നിറയ്ക്കുന്നു ..
കൂട്ടിനെന്നും ഉള്ളോരെന്നമ്മേ ,ഞാന്‍ ചോദിപ്പൂ
ഇന്നുമെന്തേ വന്നില്ലാ ,എന്റെ അച്ഛന്‍ ?
പിന്നീടാവഴിയേ വീണ്ടും നടന്നപ്പോള്‍ ,
ആരോ എന്നെ വിട്ടകന്നു ..
ഈ രാവില്‍ ചാരത്തെന്നമ്മയുണ്ടെങ്കില്‍ ..
ആശിച്ചു പോയിടുന്നൂ, എന്റെ ഉള്ളം ....